ನವೆಂಬರ್ 24ರಂದು ಬಿಡುಗಡೆಯಾಗಲಿದೆ "ಮಂಗಳವಾರ ರಜಾದಿನ" ಚಿತ್ರದ ಶೀರ್ಷಿಕೆ ಹಾಡು..

ನವೆಂಬರ್ 24ರಂದು ಬಿಡುಗಡೆಯಾಗಲಿದೆ "ಮಂಗಳವಾರ ರಜಾದಿನ" ಚಿತ್ರದ ಶೀರ್ಷಿಕೆ ಹಾಡು.

ಶೀರ್ಷಿಕೆಯಲ್ಲೇ ವಿಭಿನ್ನತೆಯಿರುವ "ಮಂಗಳವಾರ ರಜಾದಿನ" ಚಿತ್ರದ ಶೀರ್ಷಿಕೆ ಹಾಡು ನವೆಂಬರ್ 24ರಂದು ಬಿಡುಗಡೆಯಾಗಲಿದೆ. ನಿರ್ದೇಶಕ "ಯೋಗರಾಜ್ ಭಟ್" ಬರೆದಿರುವ ಈ ಚಿತ್ರದ ಶೀರ್ಷಿಕೆ ಹಾಡನ್ನು "ವಿಜಯಪ್ರಕಾಶ್" ಹಾಡಿದ್ದಾರೆ. "ಪ್ರಜೋತ್ ಡೇಸಾ" ಸಂಗೀತ ನೀಡಿರುವ ಈ ಹಾಡು "ಲಹರಿ‌" ಮ್ಯೂಸಿಕ್ ಮೂಲಕ ಬಿಡುಗಡೆಯಾಗಲಿದೆ.

ಕ್ಷೌರಿಕನ ಸುತ್ತ ಹೆಣೆಯಲಾಗಿರುವ ಕಥಾಹಂದರ ಹೊಂದಿದೆ ಈ ಸಿನಿಮಾ. ಈ ಚಿತ್ರದ ಶೀರ್ಷಿಕೆ ಗೀತೆ ಕೂಡ ಸವಿತಾ ಸಮಾಜದವರ ಕೀರ್ತಿ ಸಾರುವ ಹಾಗಿದೆ ಎನ್ನುತ್ತಾರೆ ನಿರ್ದೇಶಕ ಯುವಿನ್. "ತ್ರಿವರ್ಗ ಫಿಲಂಸ್" ಲಾಂಛನದಲ್ಲಿ ನಿರ್ಮಾಣವಾಗಿರುವ ಈ ಚಿತ್ರದ ಚಿತ್ರೀಕರಣ ‌ಮುಕ್ತಾಯವಾಗಿದೆ. ಬೆಂಗಳೂರಿನಲ್ಲೇ ಬಹುತೇಕ ಭಾಗದ ಚಿತ್ರೀಕರಣ ನಡೆದಿದೆ.

"ಯವಿನ್" ರಚನೆ ಹಾಗೂ ನಿರ್ದೇಶನದ ಈ ಚಿತ್ರದ ನಾಯಕನಾಗಿ ಬಿಗ್ ಬಾಸ್ ಖ್ಯಾತಿಯ *ಚಂದನ್* *ಆಚಾರ್* ನಟಿಸಿದ್ದಾರೆ. ಚಂದನ್ ಆಚಾರ್ ಈ ಚಿತ್ರದಲ್ಲಿ ಕ್ಷೌರಿಕನ ಪಾತ್ರ ನಿರ್ವಹಣೆ ಮಾಡಿದ್ದಾರೆ. *ಲಾಸ್ಯ ನಾಗರಾಜ್* ಈ ಚಿತ್ರದ ನಾಯಕಿ. ‌ *ಜಹಂಗೀರ್, ರಜನಿಕಾಂತ್, ಗೋಪಾಲ್ ದೇಶಪಾಂಡೆ, ನಂದನ್ ರಾಜ್* ಮುಂತಾದವರು ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ. ನಾಲ್ಕು ಹಾಡುಗಳಿದ್ದು *ಪ್ರಜೋತ್ ಡೇಸಾ* ಸಂಗೀತ ನೀಡಿದ್ದಾರೆ. *ಋತ್ವಿಕ್‌ ಮುರಳೀಧರ್* ಹಿನ್ನೆಲೆ ಸಂಗೀತ, *ಉದಯ್ ಲೀಲಾ* ಛಾಯಾಗ್ರಹಣ, *ಮಧು ತುಂಬಕೆರೆ* ಸಂಕಲನ ಹಾಗೂ *ಭೂಷಣ್* ಅವರ ನೃತ್ಯ ನಿರ್ದೇಶನ ಈ ಚಿತ್ರಕ್ಕಿದೆ. ಈಗಾಗಲೇ ಬಿಡುಗಡೆಯಾಗಿರುವ *ಮಂಗಳವಾರ ರಜಾದಿನ* ಚಿತ್ರದ ಟ್ರೇಲರ್ ಜನಮನಸೂರೆಗೊಂಡಿದೆ‌. ಡಿಸೆಂಬರ್ ನಲ್ಲಿ ಚಿತ್ರವನ್ನು ತೆರೆಗೆ ತರುವ ಸಿದ್ದತೆ ನಡೆಯುತ್ತಿದೆ.